Baş nazirdən etiraf: “Əks-hücuma hazır deyilik”
“Ukrayna Silahlı Qüvvələri yay aylarında əks-hücuma keçə bilər”.
Bunu Ukrayna Baş naziri Denis Şmıqal deyib.
Onun sözlərinə görə, hazırda Ukrayna ordusu həmin əməliyyata tam hazır deyil.
“Bütün dostlarımız və tərəfdaşlarımız yaxşı bilirlər ki, əks-hücuma keçmək üçün yüz faiz və ya ondan da artıq hazır olmaq lazımdır”, - Şmıqal bildirib.
Baş nazir qeyd edib ki, Ukrayna əks-hücumun başlamasını sürətləndirmək üçün Qərbdən təzyiq hiss etmir, amma onun fikrincə, bu cür təzyiq ukraynalıların özlərindən gəlir.