Daxili işlər naziri, general-polkovnik Ramil Usubov mayın 14-də BP şirkətinin Azərbaycan, Gürcüstan və Türkiyə üzrə regional prezidenti Qordon Birrellini qəbul edib. "Qafqazinfo"ya DİN-dən daxil olan məlumata görə, nazir görüşdə Avropa Oyunlarına hazırlıq prosesindən də danışıb: "Ölkəmizin I Avropa Oyunlarına ev sahibliyi edəcəyini xatırladan nazir bu məqsədlə asayişi mühafizə tədbirlərinə daxili işlər orqanlarının 24 mindən çox əməkdaşının cəlb olunduğunu nəzərə çatdırıb və sözügedən Oyunların da əvvəlki beynəlxalq tədbirlər kimi, yüksək təhlükəsizlik, əmin-amanlıq şəraitində keçiriləcəyinə əminliyini ifadə edib".