Ofelya Şabanova: “Əxlaqında problem olan qadın efirdə “mənəm-mənəm” deyir”

Ofelya Şabanova ilə Nüşabə Musayeva qalmaqalı getdikcə böyüyür. Nüşabə Musayeva O. Şabanbovanın ünvanına sərt sözlər deyib. Müğənninin şəxsi həyatı ilə bağlı “Keçmişi sağlam olmayan adam gəlib qeyrətdən danışır, ailə dağıdıb” kimi bir sıra fikirlər səsləndirib.

Mövzu ilə bağlı müğənni O.Şabanova Pravda.az-a açıqlama verərək deyilənlərə münasibət bildirib: “Hamı bilir, kim kimdir və məni Azərbaycan tanıyır. Adama deyərlər soğan yeməmisən, için nə üçün göynəyir? Niyə özümdən çıxım, əsəbləşim. Allahın ədaləti böyükdür. Yoldaşım mənim birinci ailəmdi, mən isə yoldaşımın ikinci ailəsiyəm. Bir dəfə evli olub, ailəsi dağılıb. Nüşabə gecikib, mən bunu ondan qabaq demişdim ki, boşanmış oğlanla ailə qurmuşam. Amma mənə görə ailə dağılmayıb. Mənim kimi qadın… Mümkün deyil. Qoy desin, məni hamı tanıyır. Əxlaqında problem olan qadın efirdə “mənəm-mənəm” deyir. Özü etdiyi işləri mənim üstümə atıb, özünü təmizə çıxarmaq istəyirsə, bu, başqa məsələ. Yoldaşımın əvvəlki evliliyindən olan uşaqları ilə də əlaqəsi var. Olmalıdır da. Mən kiməm ki, ata-balanın arasına girim. Əsla olmaz. Allaha şükür, gözəl iki oğlum, həyat yoldaşım var... Allah hamıya bütöv ailə nəsib etsin. Mən baxıram ki, belə getsə, lazım gələrsə, Prezident İlham Əliyevə, daxili işlər naziri Vilayət Eyvazova müraciət edəcəyəm ki, filankəs mənim nüfuzumu aşağı salmaq istəyir”.